شهادة مؤلمة لنازحة فلسطينية
هذه شهادة نازحة فلسطينية حول ظروفها الصعبة في النزوح وبقائهم في خيام لا تحمي من البرد أو المطر واضطرارها لبيع علب المساعدات للحصول على حفاضات لطفلتها، نقلتها الجزيرة مباشر في تاريخ 31 يناير 2024، وهذا نقل لشهادتها كما وردت:
أغيثونا إحنا جُعنا بالمعنى جعنا، احنا عطشانين، سقعانين، عريانين، كل حاجة مش موجودة عنا.
بيأذن المغرب نصلي، فوق بعض 8 انفار بنحط لحالنا فرشتين بحرام - أي ينام 8 أشخاص على فراشين وغطاء واحد - بنتغطى، بنضلنا في السقعة زي التلج. هاي بنت صغيرة، امبارح نشلتها من تحت المطر، والله الميه تحتي، الميه تحت الفراش. أواعي ما عناش، والله ابني للتو قبل شوي دقيتله الصندل 4 مرات بالمسامير عشان سقعة الدنيا.
بنتي هيها شرايط لابسة، هادي حبة بامبرز 5 شيكل. 4 حبات سردين بعت وإلا لحمة عشان أجيب بامبرز.. 5 شيكل حق حبة البامبرز! طب احنا من وين نجيب بامبرز.
البرنص هيو - ثوب الصلاة - والله إله 4 أشهر عليا.
