شهادة الطفلة دينا طفش نازحة في رفح عن معاناتها مع البرد والمطر
هذه شهادة الطفلة دينا طفش حول معاناتها مع الشتاء والمطر والبرد خلال نزوحها مع عائلتها في رفح، نقلتها منصة فلسطينيات على الانستجرام في تاريخ 3 فبراير 2024، وهذا نقل لشهادتها كما وردت:
الصحفية: مرحبا دينا.
دينا: أهلاً.
الصحفية: كيف حالك؟
دينا: الحمد لله.
الصحفية: احكيلي اسمك
دينا: أنا اسمي دينا أشرف طفش.
الصحفية: دينا احكي لي عن معاناتك بالليل بالمطر؟ شو عملتي؟
دينا: بالمطر بتكون بخش المي علينا، بدنا أواعي بندفاش منيح، بدنا حرامات بدنا كل حاجة عشان نتدفى منيح، وهدولا احنا بنلبس هدولا عشان نتدفى، وهدول أصلاً مش للّبس، هدول لكورونا لهيك، فاحنا بنلبسهم هانا لأنه فشي أواعي وفشي حاجة تدفينا فاحنا بنلبسهم عشان يدفونا.
الصحفية: تدفيتي بيهم بالليل؟ لبستيهم؟
دينا: آه
الصحفية: شو سوا فيكم المنخفض؟
دينا: سيء جداً، لأنه المية وبرد وبنزل علينا المية في الخيمة، وبدنا حرامات عشان نتدفى لما تشتي - تمطر - الدنيا.
الصحفية: شو أصعب موقف مر عليكِ بالمخيم هنا؟
دينا: بدي حرامات وبدي أواعي، لأنه أنا بتدفاش كتير. وإني بشوف البنات، بشوف الولاد أنه هما زيي، أنا بفكر إن الناس مش زيي فأنا تطلعت هيك لقيت الولاد إنهم زيي، مافيش أواعي مافيش حاجة، كلهم بيلبسوا زي هيك فإنه هو هاد الموقف.الصحفية: شكراً.
