شهادة محمود المدهون على تنكيل الاحتلال بسكان غرب غزة وإجبارهم على النزوح

 

 

دخل الجيش علينا، رفعنا إيدينا، أخدوا جوالاتنا وقعدنا وشلحّنا كلنا يعني الرجال وطبعا والدي كبير في السن بهدلة مش طبيعية. اخدونا كلنا صورني ع الجوال ونزل فيا ضرب "مخرب" ونزل فيني ضرب  مع إني قلت له إنه أنا مالي علاقة في حدا وأنا محامي وظيفتي محامي أساسا من 7 سنوات.

 

طبعاً نيمونا في البكاسر (الملابس الداخلية) أول إشي في المكان، طبعا الله يعزكم يعني هذا عيب أذكره إهانة لإلي، صاروا يتفوا (يبصقون) علينا، يخبطوا فينا، يغلطوا علينا. غموا عنينا كلهم وطبعا هاي إيدي آثار المرابط وكنا قاعدين وما فجأة يحكي "مخرب كلب" ويخبطني في وجهي وأنا مغمي عنيا. طبعا وجهي هذا صار كله نزيف دم مش عارف إشي.

 

طلعنا من شارع البحر فقط على رمل البحر المشي وطبعا الطخ طول الطريق، ومع الأسف طول الطريق جثث، شارع البحر جثث، ما بعرف حدا، ما حدا شافهم، ما حدا طالهم (أخذهم). من محيط شارع 8 ع البحر لمحيط شارع 10، نسوان، أطفال، كبار في السن، اللي ماكلاه الطيور، اللي ماكلاه الحيوانات، اللي متحلل، شفناه.

 

https://www.youtube.com/watch?v=hm90ajIY3Ps

الوسوم