نازحة فلسطينية مسنة تروي قسوة الحرب
هذه شهادة سيدة مسنة حول التهجير والحرب وصعوبة الأوضاع وكأنها أصعب من نكبة 1948، نقلتها الجزيرة مباشر في تاريخ 4 فبراير 2024، وهذا نقل لشهادتها كما وردت:
الحاجة: الدار تنهد عليك وعلى ولادك 24 نفر بدقيقة ماتوا.. ضايعين.. ملناش حدا.. ضايعين.. انهدم بيتنا، راح بيتنا، ملناش بيت، آه والله انهدم، والله دارنا انهدمت نزلوها، اللي ع الرابع (الطابق) صار على الثاني. عمري 73 سنة.
المراسلة: يعني انولدتي في أيام النكبة الأولى؟
الحاجة: سنة 1951.
المراسلة: كانوا يحكوا لك أهلك عن أيام النكبة والهجرة؟
الحاجة: زي هيك.
المراسلة: شبه هذه الأيام؟
الحاجة: والله هذه أصعب، والله ما في منها أيام هذه - ليس لها مثيل -، الدار تنهد عليك وعلى ولادك، 24 نفر ماتوا. احنا دارنا اتهدمت كلياتها طارت ما ظلش فيها حاجة، كلها طارت طير، نزّلوا براميل والبراميل فتحوا الأرض 7 - 8 متر وطيروا الدور - جمع دار - طير.
المراسلة: النكبة الاولى كان فيها إنشاء الأونروا. النكبة، زي ما انتي بتوصفيها، حاليا يمكن الأونروا تخلص؟الحاجة: لا، إن شاء الله ما بتخلصش، إن شاء الله ربنا بيزيدنا ويزيدنا عز ويزيدنا، والله يهدي بالنا كلنا، خليها عشان تطعمينا وتسقينا وتحكّمنا - تداوينا -، من إلنا؟ مالناش حدا.
