(أسرى زي الورد) شهادة مقعد فلسطيني حول تفاصيل اعتقاله لدى جيش الاحتلال

نص الشهادة:  

بقولولي يلا قوم قوم، اجوا على الأوضة عنا، يلا قوم، قلتله أنا عندي التهاب النخاع الشوكي بقدرش أقف على رجلي، إلا هو اجى يمسكني زي هيك (يشده من قميصه) ولما بلشني إني أوقع على الأرض عرف أني أنا عنجد بقدرش أستملك، رجعني على السرير وكانت عربايتي وراي. قالي تعال يلا هات عربايتك، اللي هو كرسي متحرك.  

اجى كنه المسؤول تبعهم، مشترك في 7 أكتوبر؟ مشترك في 7 أكتوبر؟ (يسأل المسؤول المعتقل) وأقوله والله ما إلي اشي وأنا الي 4 سنين… اخبط اسكت يا كذاب… ضليتني قاعد… بلشوا جرد في الشباب، حطوني على الشيالة (الحمالة) وحطوني في الدبابة جوا، بلشوا خبط وتنهيق فيا في رجلي.  

يعني المدة الي اعُتقلت فيها في المستشفى الميداني حوالي 20 يوم 15 يوم، وكملت حوالي 15 يوم في مستشفى سجن الرملة. ربنا يفرجها على جميع خلقه ويفكها على جميع أسرانا… أسرى زي الورد… والله العظيم 15 يوم كأني عايش معهم 20 سنة… شباب زي السكره… ربي يفرج عنهم كلهم.