شهادة أحد أسرى غزة حول الإبر الغريبة التي جربها الاحتلال عليهم خلال فترة الاعتقال

نص الشهادة:  

طبعًا خلال التعذيب كان عندي بعض الأشخاص، كان أنا دوري ضايل له واحد يعني واحد وبعدين يجي دوري، كانوا ياخدوا طبعًا السجين يضعوه على طاولة مرتفعة ويعطوه إبرة. الآن أنا كنت ألاحظ الإبرة هذه من خلال طبعًا الشاش المحطوط على وجهي. لما كان يرمي الإبرة كان العادة قزازة هيك يعني العادة إنها هادي طبعًا إبرة فكان لما كان يعطي السجين اللي ماخدينه يقعد تقريبًا نص ساعة وهو بيعطيها وبعد ما يعطيه طبعًا يدخل في حالة غيبوبة. الآن بعد فترة زمنية بعد ما يقارب من ساعة إلى ساعة إلا ربع يبدا يصحى، من حد ما يصحى طبعًا الأصوات اللي كان يصدرها لما يصحى أصوات غريبة بعد هيك يرجع لوضعه الطبيعي. الآن بعد ما طلعوا بعض الأشخاص اللي أنا شفتهم طبعًا من ضمنهم نسيبي ومن ضمنهم أخويا بقوله أنا بدي أشوف مكان الإبرة اللي أعطوها لك بقولي "لا ما أعطونيش إبرة" لكن أنا شايف ومتأكد مية في المية إنه كانوا يعطوه إبر. بعدين أمر آخر يعني كنت أنا أسمع ناس تانيين يبقى جايب له حبة حبوب يقوله غصبًا عنك بدك تاخدهم يعني يحاول يتقيأ غصبًا عنه يعطيهم له، فَتأكدت من الأمر هذا خصوصًا الحبوب لما بدوا المساجين بعضهم يطلعوا فسألتهم عن الحبوب إلا إنه الإبر بشكل خاص كلهم قالوا إحنا مش عارفين بمعنى آخر هل كان يعطي اللي يعطيه الإبرة يعطيه شيء على أساس ما يشعرش بأي شيء؟ هذا طبعًا أمر أنا ما يعرفهوش.