شهادة على إنقاذ الحاجة نايفة بربخ من تحت الأنقاض بعد 64 يوما

 

 

معاكو بالله اخوكم علي بربخ اليوم نزلنا على مدينة خان يونس نفقد أهالينا اللي باقي اللي ضلّوا بالدور وصلنا اليوم لعمتي وبنت عمتي اللي ظلهم بالبيت لقينا المنزل واقع هلقيت احنا قلنا راحوا الله يرحمهم يعني مضلش حد لمّا خشينا لقينا منيرة متوفية ماكلة شظية برقبتها وهادي من قبل مقعدة رايح بتر (يشير إلى قدمه) لا تقدر تشوف نفسها ولا بتدافع عن نفسها مرمية يعني على التخت وعمتي هادي لقيناها بين الردم سمعنا وحدة بتقول يعني دوب الصوت قلت يا اخوان والله عمتي عايشة تعالوا نشيل، شلنا الردم شلنا الردم.

لقيناها يعني فيها النفس وبتنتق نتق أصفر (أي تتقيأ) هادا بعد شهرين الكلام يعني اليوم بالزبط شهرين وأربع أيام لما وصلنا للحالة هادي من حمد ربنا هاد ربنا إله حكمة لقيناها عايشة عمرها 80 سنة المهم سحبناها إلا هي بتقولي بنتي بنتي وبس أكتر من هيك ما قالتش ولحتى الآن زي ما إنتوا شايفين لا فيها صوت ولا فيها حاجة من قلة الأكل وتحت الردم لقينا نظام زي كنباية عاملة ع راسها (يشير إلى أنها موجودة فوق رأسها) وإجريها هدول كله بلوكات حجارة أما من هانا وهيك نايمة عليها الكنباي (يشير إلى الجزء العلوي) -أي أن وقوع الكنبة فوقها حماها-

 

كنباي صغيرة زي كرسي فهي كاينه تتنفس منها والحمدلله رب العالمين لقينا آثار النتق والدنيا يعني ما تأملناش إنها اخدناها، الكابتر طبعًا من فوق صارت اتطُخ على المدنيين اللي بوخدوا يعني بنسعف والله الحي أبقى من الميت، احنا قمنا بعمتي وخلينا بنت عمتي الله يرحمها وغطينها وقلنا بنشوف كيف الوضع لما نقدر ما قدرناش للأمانة قلنا بس نقدر ونحول عمتي نوصل عمتي بمعاناة بمعاناة بمعاناة بمعاناة أنا بحكيلك هالكلام خمس ساعات متواصلات لما طلعنا ووصلنا الأوروبي كل خمس دقايق نمشي نتخبط.

 

لقينا كرّوسه (كرسي متحرك) حطيناها ع كرّوسه ونزُق والكابتر (طائرة كواد كابتر) مش سايبنا فحالنا، طب الكابتر هو مش شايف إنه وحدة مسنة وكبيرة واحنا رايحين ننقذ، لا احنا مناضلين ولا احنا .. ، يعني احنا ناس مسالمين رايحين بننقذ يعني مرا تعبانة مرا عمرها 80 سنة مسنة بدنا ناحقها ع المستشفى الأوروبي بعد معاناة وصلنا المستشفى الأوروبي يعني اقول لك لعند قبل (كلمة غير مفهومة) الجمركية والكابتر بتطخ لولا احنا كنا أمناها وجبنا توكتوك وحطيناها وطرنا فيها كان احنا كلنا كمان رحنا معها واستشهدنا وزي ما إنتوا شايفين حسبي الله ونعم الوكيل.

 

الوسوم

نجاة بربح