شهادات حول معاناة النازحين بسبب ندرة الأحذية وارتفاع أسعارها

هذه شهادات على معاناة النازحين في رفح دون أحذية أو ملابس مناسبة في ظل برد شديد بعد إجبار الاحتلال للمواطنين على النزوح من شمال القطاع دون أخذ مستلزماتهم، نقلتها الجزيرة مباشر في تاريخ 18 يناير 2024، وهذا نقل لشهاداتهم كما وردت: 

طفلة نازحة في رفح: يعني كتير بشوف أطفال بالشارع بيكونو معهمش أحذية، وهاديك المرة كان في هناك بنت كانت قاعدة، أمها وابوها ميتين وحزنت عليها رحت جبت لها خبز من الدار، وفي هناك الخيمة هديك في مره - امرأة - قاعدة على الرمل يعني ولا معاها حرمات ولا فرشات ولا اشي.

طفلة أخرى: سقعة كتير وحرامات قليلة، وهاي بس جبتها معي (تشير إلى السترة التي ترتديها) واللبس ما خدناش كتير، أخدنا بس شنطة، ماخلوناش نطلع ولا بحاجة، بس شنطة ورجلينا حافيين بس.

طفل: كله شحتة - أي أن كل ما يرتديه ليس له -، طلعنا بطولنا من كتر ما بيحكوا لنا: "اطلعوا اطلعوا".

أطفال يهتفون: "بدنا نروح، بدنا نروح".

عزمي أبو شربي - نازح في رفح: بنروح على الأسواق بيقولك بدو 70 - 80 شيكل - أي 13 دولاراً أو أكثر - للحذاء تاع الطفل، كان بـ 10 - 15 شيكل - أي 2 دولار -، اليوم بيطلب 100 شيكل، طيب من وين احنا نجيب؟ هادا إذا انوجد، لكن من وين نجيب احنا؟ اطٌلع بيناموا هيك الأولاد، هاي حافين فش أحذية، فش أحذية، هاي عدتهم ومفيش عدة شتوية كمان.

الوسوم