شهادات مرئية حول كيفية شحن الهواتف في غزة

هذه شهادات أهالي غزة على معاناة شحن أجهزتهم وبطارياتهم في ظل انقطاع الكهرباء عن كامل القطاع وضعف إمدادات الوقود، نقلتها الجزيرة مباشر في تاريخ 18 يناير 2024، وهذا نقل لشهاداتهم كما وردت: 

المتحدث الأول:
أنا جاي أشحن البطارية، من الساعة 7 وأنا بادور على مكان، اجيت على المستشفى هذا الكهرباء فيه ضعيفة وبتقطّع، رحنا على مكان تاني فشي، اجينا على سبة انه نشحن هين عند الجماعة هدول فش وسع، عندنا ولاد عايشة على التنفس الاصطناعي جبنا لهم بطارية كبيرة عشان بدنا نشبكها نعملهم، لأن المستشفيات مليانة والوضع صعب جدا كتير كتير.

المتحدث الثاني:
كل يوم بنيجي 3 -4 ساعات هان بنضيع من الوقت لشحن الجوالات، في بيشحن طاقة شمسية بفلوس، بس الأوضاع المادية عندي صعبة فبضطر أدور على بديل تاني، يعني إنه أشحن في مكان زي مستشفى، زي مؤسسة مجانية من غير دفع مصاري.المتحدث الثالث:
بيقعد الجوال معك يوم - يوم ونص كحد أقصى، أكتر من هيك مبيقعدش، للإنارة فقط لا غير، أما تستعمله للاتصال طبعا شركة الاتصال واقعة،  ولا شبكة إنترنت موجودة، تحاول قد ما تقدر إنك تضوي بس، إنه تضوي تشوف الطريق اللي انت ماشي فيها، تشوف الخيمة اللي انت قاعد فيها، بس لا أكثر ولا أقل.

الوسوم