وين نروح؟ سؤال الناس في مخيم الشاطئ
مداخلات لأهالي مخيم الشاطئ شمال غرب مدينة غزّة، يتحدثون عن القصف المستمر وانعدام أي مكانٍ آمن. بُثّت على قناة الجزيرة بتاريخ 30 يناير 2024
المتحدثة الأولى: قصفوا الناس وهما في دورهم، ايش.. حسبنا الله ونعم الوكيل على كل واحد قادر يوقفها وما وقفها، فزّعونا، احنا قاعدين في دورنا، مش طالعين، بنضل نتفة لنتفة لحتى ما نرجع لدورنا، بنتفة لنتفة لحد ما نرجع لدورنا، طلعونا بنرجع.
المتحدث الثاني: وين نروح؟ يعني عاشر دور مش عارف وين نروح؟ من أبو اسكندر للنصر للوفاء لسلامة للصبرة للمعسكر - صوت الزنانة يقطع حديثه -، مش عارفين وين نروح.
المتحدثة الثالثة: قصف هيكا وقصف عند … الجامع الغربي دار لستها هنا قيد الإنشاء دمروها، شهداء الليلة صار برضو، قصف بناية على رؤوس ساكنيها ، لوقتش هذا الحال؟ مش معروف. ماحدش حاسس فينا، محدش اا…، فش حد قلبه رحيم، والله العظيم، ربنا هو اللي يلطف فينا وبس، حسبي الله ونعم الوكيل ايش بدنا نقول، الله ينتقم منهم. والله الواحد زهق، زهق وهو يضله يشحطط في ولاده من هان لهان، احنا رجعنا ع دورنا، دورنا مسروقة، دورنا مبهدلة، مين السبب فيه هذا؟ مين؟، حسبي الله ونعم الوكيل ع اللي هما السبب، وعلى كل الدول العربية الي ما هي راضية تقف معنا، وبس. حسبي الله ونعم الوكيل، ملناش غير ربنا.
المتحدث الرابع: يعني ربنا سلمنا يجي أربعة مرات، خمسة من القصف، الدور اللي جنبنا يتقصف بتفهم كيف، والشباب قدامنا تتفتفت، تروح شقف - أي قطع - فهي اللي جبرنا نطلع.
