تتحدث السيدة ولاء بربخ في هذه الشهادة عن سرقة الاحتلال لجثمان ابنتها من قبرها بعد أن استشهدت في ديسمبر 2023. بُثت الشهادة على موقع عرب 48 بتاريخ 25 يناير 2024.
ولاء بربخ: أنا نازحة من المعسكر (مخيم جباليا) لرفح، وقاعدين هنا في الشارع، يعني ما واحد بيتعرّف علينا (يعتني) بالمرة. الحين بنتي استشهدت في 12/1 والحين إلها شهرين، بقول لجوزي: “والله اجتاحوا البرية، بدنا نشوف البنت ضايلة في مقبرتها ولا مش ضايلة”، صرت ألطم وأصوت وأعيط، قال لي: “في يعني طخ”، قلت له: “الموت، يا أني يا هما، المهم اروح”. رحت أنا وجوزي وكمان واحد، اطّلع ع قبر بنتي لقيت زاحيين البلاطة وماخدينها – أي أزاحوا غطاء القبر وسرقوا جثمان الشهيدة – زاحيين البلاطة مش ضايل إلا الخيط الأبيض. وماخدين يعني كمان.. لقيت المقبرة كلّها جثث مزقّلة.. مزقّّلة ع الآخر، صرت أقول لجيراني، لأهلي اللي إله مستشهد حدن يروح، يعني يشوف، المقبرة كلها مزقّلين.. الشهداء مزقّلين على الأرض.
(يسألها الصحفي عن شعورها .. ترد وهي تبكي)
ولاء بربخ: ايش شعوري! ايش شعوري يعني! ايه شعوري يعني ايش شعوري يعني! استشهدت.. كمان لاحقينها في مقبرتها! طب هي استشهدت.. بقيت أقول يا رب، موت وخراب ديار، بعدين امبارح لسه بلغوني إنه الدار انهدت، كلها رمل، ودار ابني كلها رمل.
